Արամ Վարդևանյանը՝ Մարության-Քոչարյան հանդիպման լուրերի մասին

«Հայկական ժամանակ»-ը գրել էր՝ տեղեկություններ են շրջանառվում նաև այն մասին, որ պատերազմի ավարտից հետո Հայկ Մարությանը Սեյրան Օհանյանի միջնորդությամբ հանդիպել է Ռոբերտ Քոչարյանի հետ:

ԱԺ այսօրվա ճեպազրույցի ժամին լրագրողները պարզաբանում խնդրեցին «Հայաստան» խմբակցության պատգամավորներից: «Հետաքրքիր է՝ նյութի հեղինակը օրաթե՞րթն է, թե՞ գործադիր իշխանությունը. մեկտեղման լուրջ ռիսկեր կան, որովհետև ինձ համար հասկանալի չէ տեղեկատվության աղբյուրը: Փորձեցի ծանոթանալ նյութին, հեղինակի անունը գրված չէր: Թե ինչ հետևություններ պետք է անել, բարդ է: Նման հանդիպում եթե լիներ, կարծում եմ՝ լայն հանրությունը տեղեկացված կլիներ»,- ասել է Արամ Վարդևանյանը: