«Բեթհովենը սարերում» ստեղծագործության համաշխարհային պրեմիերան Հայաստանում

«Երևանյան հեռանկարներ» միջազգային երաժշտական 22-րդ փառատոնի շրջանակներում դեկտեմբերի 15-ին, ժամը 19:00-ին Կոմիտասի անվան կամերային երաժշտության տանը տեղի կունենա Ալեքսանդր Իրադյանի «Բեթհովենը սարերում» ստեղծագործության համաշխարհային պրեմիերան։ Երաժշտական այս պատումը կկատարի Հայաստանի պետական կամերային նվագախումբը՝ հեղինակի՝ Ալեքսանդր Իրադյանի ղեկավարությամբ, իսկ հեքիաթը կպատմի դերասան Հայկ Պետրոսյանը։

Իրադյանի ստեղծագործություններն ու մշակումները ներկայացվել են միջազգային բեմերում, ինչպես նաև Հայաստանում՝ համագործակցությամբ տեղական նվագախմբերի և երգչախմբերի հետ։
Միջազգային և տեղական մրցույթների դափնեկիր է, հանդես է եկել որպես կոմպոզիտոր, դիրիժոր և դաշնակահար՝ Հայաստանում, Գերմանիայում, Ռուսաստանում, Միացյալ նահանգներում, Սլովենիայում, Բելգիայում և այլուր։

«Երևանյան հեռանկարներ» միջազգային երաժշտական 22-րդ փառատոնը անց է կացվում ՀՀ ԿԳՄՍ նախարարության աջակցությամբ: