Մեկնարկել է Խաչատրյանի անվան միջազգային փառատոնը

Շոստակովիչի ստեղծագործությունների ներկայացմամբ մեկնարկեց Խաչատրյանի անվան 9-րդ միջազգային փառատոնը, որը կրում է «Երեք ընկեր․ Խաչատրյան, Պրոկոֆև, Շոստակովիչ» խորագիրը։ Դաշնակահար Ալեքսանդր Ռոմանովսկին Հայաստանի պետական սիմֆոնիկ նվագախմբի հետ և դիրիժոր Սերգեյ Սմբատյանի ղեկավարությամբ ներկայացրեց Շոստակովիչի Դաշնամուրի թիվ 1 և թիվ 2 կոնցերտները։ Համերգի երկրորդ բաժնում նվագախումբը կատարեց կոմպոզիտորի Թիվ 12 սիմֆոնիան։ Հետագա համերգները նվիրված կլինեն Պրոկոֆևի և Խաչատրյանի ստեղծագործություններին։

Խաչատրյանի անվան միջազգային փառատոնը Հայաստանի պետական սիմֆոնիկ նվագախումբը կազմակերպել է ՀՀ ԿԳՄՍ նախարարության աջակցությամբ։ Փառատոնի հաջորդ համերգը տեղի կունենա դեկտեմբերի 16-ին և նվիրված կլինի Սերգեյ Պրոկոֆևի արվեստին։ Հայաստանի պետական սիմֆոնիկ նվագախմբի հետ ելույթ կունենա դաշնակահար Վալենտինա Լիսիցան։