Վեդիում «Քաղաքացիական պայմանագիրը» և «Հանրապետությունը» ինքնաբացարկ են ներկայացրել

1004

Հինգշաբթի, 16 դեկտեմբերի, 2021 թ., 12:06

ՔՊ-ական Գարիկ Սարգսյանը ֆեյսբուքյան իր էջում գրել է. «Վեդի խոշորացված համայնքի սիրելի՛ բնակիչներ, «Քաղաքացիական պայմանագիր» և «Հանրապետություն» կուսակցությունների համամասնական ցուցակների ավագանու բոլոր թեկնածուներով No 13 Տարածքային ընտրական հանձնաժողով ենք ներկայացրել ինքնաբացարկի դիմումներ։
Դիմումները քննարկվելու են այսօր՝ տարածքային ընտրական հանձնաժողովի կողմից հրավիրված նիստի ժամանակ։
Այս քայլին գնում ենք խորը գիտակցումով՝ բոլորիդ արդեն հայտնի փակուղային իրավիճակից դուրս գալու համար։ Սրանով փորձել ենք զրոյացնել ենթադրյալ բոլոր ռիսկերը։
Շնորհակալություն ենք հայտնում մեր բոլոր ընտրողներին և հավաստիացնում, որ մեր կողմից արվել է ամեն ինչ, որպեսզի իրենց տված ցանկացած քվե հասնի իր նպատակին»:

Աղբյուրը` Գարիկ Սարգսյան