«3+3»-ի հաջորդ հանդիպումը կկայանա Թուրքիայում. Անկարան սպասում է Վրաստանին

Հարավային Կովկասի վերաբերյալ «3+3» տարածաշրջանային խորհրդատվական հարթակի հաջորդ հանդիպումը տեղի կունենա Թուրքիայում և Անկարան հուսով է, որ Վրաստանը մասնակցություն կունենա: Այս մասին Իսլամաբադում հայտարարել է Թուրքիայի արտգործնախարար Մևլութ Չավուշօղլուն՝ Աֆղանստանի հարցով Իսլամական համագործակցության կազմակերպության անդամ երկրների արտգործնախարարների 17-րդ արտահերթ հանդիպման արդյունքներով։

«Ջեյհուն Բայրամովի հետ քննարկել ենք Իլհամ Ալիևի և Նիկոլ Փաշինյանի հանդիպումը Բրյուսելում, 3+2 հարթակի հանդիպումը Մոսկվայում, որն անցկացվել է փոխարտգործնախարարների մակարդակով, որին Վրաստանը չի մասնակցել, բայց մենք կարծում ենք, որ կմասնակցի հաջորդ հանդիպմանը, որը, ինչպես ակնկալում ենք, տեղի կունենա Թուրքիայում»,- ասել է Թուրքիայի ԱԳՆ ղեկավարը։