«Անհրաժեշտության դեպքում կդիմենք նաև ռադիկալ քայլերի»․ Վահե Դոխոյան

«Վարչապետի աթոռին նստած անձը, իր վարչախմբի հետ միասին, փորձում է գողանալ վանաձորցու քվեն. այս ուժին սպասարկում է կամակատար ԼՀԿ-ն»,- լրագրողների հետ զրույցում ասել է Վանաձորի ավագանու «Հայրենիք» խմբակցության ղեկավար Վահե Դոխոյանը՝ անդրադառնալով ավագանու նիստ չանցկացնելու վերաբերյալ դատարանի որոշմանը: «Իմ թիմով պատրաստ եմ ամեն ինչի. եթե պետք լինի վրան խփել, ճանապարհ փակել.... այսինքն՝ եթե պիտի ռադիկալ քայլեր արվեն, կանենք»,- հավելել է նա: Դոխոսյանի խոսքով՝ իշխանությունն ուզում է «իր սրտի թեկնածուին դարձնել քաղաքապետ»:

Ինչպես արդեն տեղեկացրել էինք, «Լուսավոր Հայաստան» կուսակցությունը դիմել էր դատարան՝ ընտրությունների արդյունքները վիճարկելու պահանջով։

Հիշեցնենք, որ դեկտեմբերի 5-ին տեղի ունեցած ՏԻՄ ընտրությունների արդյունքներով Վանաձորում առաջատար է «Մամիկոն Ասլանյան» կուսակցությունների դաշինքը: