««Հավերժության ժապավեն» մոնումենտալ քանդակի վերակենդանացման աշխատանքներն ավարտվեցին». Կարեն Քոչարյան
743 Շաբաթ, 01 հունվարի, 2022 թ., 02:06 Հայկական հեռուստատեսության վաստակաշատ հաղորդավար Կարեն Քոչարյանը ֆեյսբուքյան իր էջում գրել է. «ՎԵՐՋԱՊԵՍ. ուրախությամբ տեղեկացա, որ մեր Դավիթ Բեջանյանի «Հավերժության ժապավեն» մոնումենտալ քանդակի վերակենդանացման աշխատանքներն ավարտվեցին: Շնորհակալ եմ բոլոր պետական և ոչ պետական օղակներին, անհատներին աջակցության համար: Մեր Դոդոյի հոգին փառավորվեց և վերջնականորեն «Հավերժության ժապավենը» նրան հավերժացրեց երիտասարդ տաղանդավոր քանդակագործ Ռաֆայել Մանուկյանի ոսկի ձեռքերի շնորհիվ: Կարծում եմ գարնանը ներկա կլինենք քանդակի պաշտոնական վերաբացմանը և կհամեմենք այն Դավիթ Բեջանյանին նվիրված փազային փառատով: Ինչ լավ է, որ մեր երկրում դեռ կան Ռաֆայել Մանուկյանի նման երիտասարդ պրոֆեսիոնալներ, ովքեր նվիրված զբաղվում են իրենց գործով: Քեզ նորանոր հաղթանակներ, Ռաֆո՛ ջան և նոր ինքնուրույն աշխատանքներ նոր 2022 թվականին: Իսկ մեր ժողովրդին ուզում եմ կրկին ասել՝ սիրեք և գնահատեք մեր մշակույթը՝ աշխարհի ամենահզոր զենքը: Գնահատեք ու պահպանեք, որպեսզի հետո չասեք՝ ինչու են այլ ազգեր սեփականաշնորհում մերը: Վերջերս մենք գրանցում ենք փոքրիկ մշակութային հաղթանակներ: Սակայն դա առաջին հայացքից է փոքրիկ: Ցանկացած մշակութային հաղթանակ, երբ գումարվում է դառնում է մեծ և անչափ կարևոր հաղթանակների հիմքը: Ուրեմն՝ բազմապատկենք այդ հաղթանակները և գնանք դեպի մեծ ու ամենակարևոր հաղթանակ: Շնորհավոր գալիք Ամանոր և Սուրբ Ծնունդ»: Աղբյուրը` Կարեն Քոչարյան |
«Ցեղասպանվեցինք, որովհետև մեզնից առավել ուրիշին սիրեցինք. այսօր պատմությունը կրկնվում է». Արշակ Սրբազանի ելույթը (տեսանյութ)
189Երեկ, 01:54Մայր Աթոռը հայտարարություն է տարածել
30222.04.2024, 18:06«Հայ ժողովուրդն ամենուր պետք է շարունակի համախմբվել՝ հանուն Ցեղասպանության դատապարտման»․ Կաթողիկոս
37921.04.2024, 22:00«Հայի պատմությունը բնավ զիջումի քաղաքականության պատմություն չի եղել». Արամ Ա
33421.04.2024, 19:54Տիգրան Համասյանի համերգը՝ Խուստուփ լեռան լանջին (լուսանկար, տեսանյութ)
35421.04.2024, 13:18«Արա Գեղեցիկ և Շամիրամ» կտավը մասնակցում է նոր ցուցադրության (լուսանկար)
30021.04.2024, 00:30«Ցեղասպանված հուշարձաններ». կցուցադրվեն Հայաստանի պատմության թանգարանում
27820.04.2024, 23:24Հայոց ցեղասպանության զոհերի հիշատակին նվիրված համերգ՝ Հաագայում
81620.04.2024, 00:24