Երկուշաբթի, 23 մայիսի, 2022 թ.
|
Ստեփանակերտում`   +20 °C

«Մի քանի ակնհայտ իրողություններ կարող ենք արձանագրել». Սուրեն Սուրենյանց

«Մի քանի ակնհայտ իրողություններ կարող ենք արձանագրել». Սուրեն Սուրենյանց
365
Երկուշաբթի, 03 հունվարի, 2022 թ., 11:00

Քաղաքագետ Սուրեն Սուրենյանցի գրառումը․ «Մի քանի արձանագրում Բայդեն-Զելենսկի հեռախոսազրույցի մասին. Բայդեն-Զելենսկի հեռախոսազրույցի մասին առաջին պաշտոնական տեղեկատվությունն է հայտնվել։

Մի քանի ակնհայտ իրողություններ կարող ենք արձանագրել.

- ԱՄՆ-ն, իհարկե, փորձելու է առավելագույնն անել՝ Ուկրաինան ռուսական ներխուժումից պաշտպանելու համար, սակայն Կիևից ակնկալում է հակամարտության քաղաքական կարգավորում՝ անկախ ուկրաինական հասարակության կողմից դրա ոչ միանշանակ ընկալման,

- ԱՄՆ-ն, իհարկե, չի պատրաստվում Ուկրաինան «նվիրել» ռուսներին, բայց չի էլ պատրաստվում ՆԱՏՕ-ի դռները բացել Ուկրաինայի առաջ կամ ՆԱՏՕ-ին բերել Ուկրաինա։

Մեծ հաշվով՝ Մոսկվան պետք է հաշտվի այն իրականության հետ, որ Ուկրաինայում ունենալու է ընդամենը կարևոր ազդեցություն՝ առանց վերահսկիչ փաթեթի, ԱՄՆ-ում պետք է ընդունեն Ուկրաինայի «ֆիլանդացման» կամ որևէ այլ մոդելով նեյտրալության օպտիմալությունը, իսկ Կիևում հաշտվեն ՆԱՏՕ-ի անդամությունից հրաժարվելու մտքի հետ»։