Ուրբաթ, 27 մայիսի, 2022 թ.
|
Ստեփանակերտում`   +18 °C

Ղազախստանում պահանջում են կառավարութան հրաժարականը. անջատվել է համացանցը

Ղազախստանում պահանջում են կառավարութան հրաժարականը. անջատվել է համացանցը
383
Երեքշաբթի, 04 հունվարի, 2022 թ., 22:06

Ղազախստանի նախկին մայրաքաղաքում՝ խոշորագույն մշակութային ու տնտեսական կենտրոն Ալմաթիի կենտրոնական հրապարակում հավաքված ցուցարարներն այսօր պահանջել են կառավարության հրաժարականը։
Չարտոնված հանրահավաքի մասնակիցները սկսել են հրապարակում վրաններ և բարիկադներ կառուցել։ Ի պատասխան իշխանությունները քաղաքում անջատել են բջջային համացանցը։

Տեղական լրատվամիջոցների հաղորդմամբ՝ քաղաք են բերվում զինվորականներ՝ ցույցերը ցրելու և վարչական շենքերը պաշտպանելու համար:

Ավելի վաղ հաղորդվում էր, որ Ղազախստանի շատ քաղաքներում բողոքի ցույցեր են սկսվել հեղուկ գազի գնի թանկացման դեմ։

Մի շարք քաղաքներում ցույցը վերաճել է ոստիկանության հետ բախումների։ Իրավապահները կոշտ կալանք են կիրառում: Հաղորդվում է, որ բերման են ենթարկվում նաև բողոքի ակցիաները լուսաբանող լրագրողները։