Ղազախստանում ձերբակալվածների թիվն անցնում է 2000-ը

699

Հինգշաբթի, 06 հունվարի, 2022 թ., 17:48

Ղազախստանի Ալմաթի քաղաքում սկսվել է Հանրապետության հրապարակի մաքրումը, կրակոցները շարունակվում են։

Ձերբակալվածների թիվը հասնում է 2 հազարի։ Ոստիկանության շարքերում զոհերի թիվը շուրջ 13 է:

Հիշեցնենք, որ Ղազախստանում բողոքի ակցիաներն սկսվել են նոր տարվա առաջին օրերին։ Ժանաոզեն և Ակտաու քաղաքների բնակիչները դուրս են եկել ցույցերի՝ բողոքելով հեղուկ գազի գնի կրկնակի թանկացման դեմ։

Ղազախստանի նախագահ Կասիմ Ժոմարտ Տոկաևը նախ Ալմաթիի մարզում, ապա ողջ երկրի տարածքում արտակարգ դրություն է մտցրել։

Հիշեցնենք նաև, որ ՀԱՊԿ խաղաղապահ ուժերի կազմում Ղազախստան են ուղարկվել Ռուսաստանի, Հայաստանի, Տաջիկստանի, Ղրղզստանի և Բելառուսի զինվորականները։