«Եթե բանակը հեղաշրջում չի իրականացնում և ժողովուրդը փողոց է դուրս գալիս, ուրեմն կա կուտակված անարդարություն»․ Վահե Գևորգյան

Երևանի ավագանու անդամ Վահե Գևորգյանը ֆեյսբուքյան իր էջում գրել է. «Հեղափոխությունները տարբեր են լինում՝ ոչ բռնի, բռնի, զինված և այլն, շատ տարբեր արդյունքներով. կարող ենք մեթոդների կամ գաղափարների հետ համաձայնվել կամ չհամաձայնվել։ Սակայն կա մի իրականություն, որի հետ չենք կարող չհամաձայվել, եթե բանակը հեղաշրջում չի իրականացնում, և ժողովուրդը փողոց է դուրս գալիս, ուրեմն կա կուտակված անարդարություն, հիմնականում տեսանելի և բացահայտ։ Նման իրավիճակներում գործի է դրվում տեղեկատվական գրոհը, իբր կան արտաքին գործոններ, ահաբեկիչներ են, չգիտեմ ինչ այլմոլորակայիններ են, միայն թե քողարկեն իրական պատճառները, որը ծնում է բռնապետությունը»։