Ալմաթիի բոլոր պետական ​​կառույցները գտնվում են իրավապահ մարմինների վերահսկողության տակ

Ղազախստանի իրավապահ մարմիններին հաջողվել է հեղափոխականներից ազատել Ալմաթիում գտնվող՝ նախկին նախագահական նստավայրը, ինչպես նաև գրավված կառավարական այլ շենքեր։

Հաղորդագրության համաձայն՝ ոստիկաններն ու զինվորականները ցուցարարներից մաքրել են նաև քաղաքի կենտրոնական՝ Հանրապետության հրապարակը:

Գործակալությունը հայտնում է, որ այժմ Ալմաթիի բոլոր պետական ​​կառույցները գտնվում են իրավապահ մարմինների վերահսկողության տակ։ Ավելի վաղ հաղորդվել էր, որ ոստիկանությունը հետ է մղել Կոկտոբեի հեռուստաաշտարակին տիրանալու՝ ցուցարարների փորձը։