Փախուստի մեջ գտնվող բանկիրն իրեն անվանել է Ղազախստանում «բողոքի ցույցերի առաջնորդ»

Reuters-ին տված հարցազրույցում փախուստի մեջ գտնվող բանկիր Մուխթար Աբլյազովը հայտարարել է, որ Ղազախստանում ընդդիմության և բողոքի ցույցերի առաջնորդն ինքն է: Նա ասել է, որ «Ալմաթիի ցուցարարներն ամեն օր իրեն հարցնում են՝ ինչպես գործել»: Ղազախ բանկիրը նաև նշել է, որ կվերադառնա Ղազախստան, որպեսզի ղեկավարի «ժամանակավոր կառավարությունը»: Աբլյազովը հավելել է, որ դրամական միջոցներ չի ստացել Արևմուտքից՝ ցույցերը համակարգելու համար: