«Մեր պապերն իրենց ժամանակի լավագույն արծաթագործերն էին»․ Համլետ Հովսեփյան

Հայկական կիրառական արվեստի և այլ եզակի նմուշների կոլեկցիոներ Համլետ Հովսեփյանը ֆեյսբուքյան իր էջում գրել է. «Իզուր չէ, որ մինչև 20-րդ դարի սկզբի հայ արծաթագործ վարպետների պատրաստած նրբագեղ ու շքեղ զարդերը մեծ հարգանք էին վայելում թե շահական, թե սուլթանական, թե ցարական և թե աշխարհի այլ թագավորական ընտանիքներում։
Վստահաբար ու հպարտորեն կարող ենք փաստել, որ մեր պապերը իրենց ժամանակի լավագույն արծաթագործերն էին։
Առանց թերագնահատելու ներկայիս հայ արծաթագործներին և նրանց հանդեպ ամենայն հարգանք տածելով հանդերձ, կարծում եմ մերօրյա վարպետները դժվար թե երբևե կարողանան գերազանցել մեկ դար առաջ Վանում և Արևմտյան Հայաստանի այլ շրջաններում արծաթագործական գործունեություն ծավալած հայ վարպետներին։
Այո, տեսնելով այս գեղեցիկ աշխատանքները, վստահաբար կարող ենք արձանագրել, որ մեր օրերի հայ արծաթագործները իրենց ուսերին մեծ պատասխանատվություն են կրում։ Եթե ոչ գերազանցել, ապա գոնե պետք է փորձել կրկնօրինակել և վերապրեցնել մեր պապերից մեզ հասած արծաթագործության այս գեղեցիկ նմուշները»։