«Պետք է հուսալ, որ այս այցը Ֆրանսիայի այցի նման հանրահայտ չի դառնա». Հակոբ Բադալյան

Քաղաքական մեկնաբան Հակոբ Բադալյանի գրառումը. «Պատրաստվում է ԱԺ նախագահի պատվիրակության այց ԱՄՆ: Պետք է հուսալ, որ այս այցը Ֆրանսիայի այցի նման հանրահայտ չի դառնա, առավելապես որևէ «տեսաձայնագրային» աղմուկի առիթով, այլ ուշադրության կարժանանա քաղաքական բովանդակությամբ: Այդ առումով թերևս լավ կլիներ, եթե նախապատրաստվեր և այցի ընթացքում բարձրաձայնվեր հայ-ամերիկյան հարաբերության խորացման ուղղությամբ որոշակի կոնկրետություն պարունակող որևէ գաղափար, որի շուրջ կարող է ձևավորվել հետագա աշխատանքային գործընթաց»: