«Սա պետք է ստանա համարժեք գնահատական նախ լրագրության, ապա նաև քաղաքական հարթություններում». Ա. Ղազինյան

ԱԺ «Հայաստան» խմբակցության պատգամավոր Արթուր Ղազինյանի գրառումը. «Իշխանությունն անբարո արշավ է սկսել լրագրության, լրագրողների և ազատ խոսքի դեմ:
Ե՛վ մարդկային, և՛ քաղաքական և՛ մասնագիտական առումով խստիվ դատապարտելի է իշխանական պատգամավորների վարքագիծը, խոսույթն ու բառամթերքը:
Նրանք անցնում են բարոյականության և էթիկայի թույլատրելի բոլոր սահմանները և սա պետք է ստանա համարժեք գնահատական նախ լրագրության, ապա նաև քաղաքական հարթություններում:
Հայաստանը թևակոխում է բռնապետության հաստատման նոր փուլ»:

Հիշեցնենք՝ երեկվանից մամուլում ու համացանցում քննարկվում է ՔՊ-ական պատգամավոր Վահագն Ալեքսանյանի՝ «նրանք լրագրողներ չեն, նրանք վերբալ մարմնավաճառներ են» արտահայտությունը: