«Առաջարկ չի եղել, չէր էլ կարող լինել». Էդմոն Մարուքյան

«Քանի՞ թափուր պաշտոն առաջացավ, որտեղ իմ անունը քննարկվում էր՝ Մարդու իրավունքների պաշտպան, հեղափոխությունից հետո՝ գլխավոր դատախազ, հիմա՝ ՀՀ նախագահ»,- «Եռաբլուր» պանթեոնում՝ անդրադառնալով լուրերին, ըստ որի՝ ՀՀ նախագահի պաշտոնում շրջանառվում էր իր անունը, ասել է «Լուսավոր Հայաստան» կուսակցության ղեկավար Էդմոն Մարուքյանը: Նա հավելել է, որ իրեն՝ նախագահի պաշտոնը զբաղեցնելու առաջարկ չի եղել. «Քանի դեռ ՀՀ նախագահի լիազորությունները դադարեցված չեն... վստահ եմ՝ անգամ իշխանությունն այդ հարցը չի էլ քննարկել»: Հարցին՝ եթե առաջարկ լինի՝ կընդունե՞ք, ասել է. «Անլուրջ է նման հարցեր քննարկելը»: