«Լոնդոնի հարձակումը ռուսական բիզնեսի վրա ենթադրում է պատասխան միջոցներ». Պեսկով

Ռուսաստանը կպատասխանի ռուսական բիզնեսի դեմ պատժամիջոցներին և ռուս գործարարների ունեցվածքի բռնագրավմանը, եթե Մեծ Բրիտանիան նման քայլերի գնա: Ինչպես հաղորդում է РБК-ն, այս մասին հայտարարել է ՌԴ նախագահի մամուլի քարտուղար Դմիտրի Պեսկովը:

«Առանձին վերցրած երկրի հարձակումը ռուսական բիզնեսի վրա, իհարկե, ենթադրում է պատասխան միջոցներ, և դրանք կձևավորվեն՝ ելնելով բացառապես մեր սեփական շահերից»,- ասել է Պեսկովը:

Հիշեցնենք՝ Sky News-ին տված հարցազրույցում Մեծ Բրիտանիայի արտաքին գործերի նախարար Լիզ Թրասն ասել էր, որ պատրաստվում են ընդլայնել Ռուսաստանի դեմ պատժամիջոցները՝ կապված Ուկրաինայի շուրջ ստեղծված իրավիճակի հետ։