«ԿԽՄԿ-ի հարցում ևս ակնհայտ է Ադրբեջանի ոչ կառուցողական մոտեցումը»․ ԱԳ նախարար

«Հակահայ հռետորաբանությունը, ագրեսիվ քայլերը սահմանին և հումանիտար խնդիրները չլուծելը, օրինակ, ռազմագերիների առկայությունն Ադրբեջանում, չեն նպաստում կառուցողական մթնոլորտի ստեղծմանը»,- այսօր՝ Երևանում Ավստրիայի Եվրոպական և արտաքին գործերի դաշնային նախարար Ալեքսանդր Շալենբերգի հետ համատեղ մամուլի ասուլիսի ժամանակ, հայտարարեց ՀՀ արտգործնախարար Արարատ Միրզոյանը։
«Ուզում եմ հավելել , որ թեև դա նախատեսված չէր հրադադարի եռակողմ հայտարարությամբ, այնուամենայնիվ, ՀՀ-ն Ադրբեջանին է փոխանցել ականապատ դաշտերի քարտեզներ»,- նշեց ԱԳ նախարարը։
«Ուզում եմ անդրադառնալ միջազգային կազմակերպություններին․ ցավով պետք է ասեմ, որ այստեղ ևս ակնհայտ է Ադրբեջանի ոչ կառուցողական մոտեցումը։ Նրանք պարտադրում են նույնիսկ ԿԽՄԿ-ին, որը որևէ քաղքական կոնտքեքստ չունի, տեղավորվել այն քաղաքականության մեջ, որն իրենք են տեսնում,- ասաց Միրզոյանը։