«Քաղաքականության մեջ չկա հավանականության տեսություն». Արա Պապյան

ԱԺԲ անդամ, դիվանագետ Արա Պապյանը ֆեյսբուքյան իր էջում գրում է. «Ոմանք, որ իրենց քաղաքական վերլուծաբան են համարում, այս կամ այն գործունեությունը գնահատելիս գործածում են «ռոմանտիզմ է» կամ «ռեալիստական չի» ձևակերպումները։

Ասա Դուք որտեղի՞ց գիտեք կամ ո՞վ կարող է իմանալ դա։ Սովետի քանդվելո՞ւ, Գերմանիաների վերամիավորմա՞ն, Ռուսաստանի և Ուկրաինայի թշնամությա՞ն, Իսրայելի ու Սաուդյան Արաբիայի հաշտեցման և էլի լիքը անհավանական բաների՞ նման, որ հիմա իրականություն է։

Քաղաքականության՝ ռեալ պոլիտիկի մեջ, կա ընդամենը մի սկզբունք՝ արա այն, ինչ պիտի անես և թող լինի այն, ինչ պիտի լինի։ Քաղաքականության մեջ չկա հավանականության տեսություն։ Կա միայն հետևողական աշխատանք ու պայքար»։