Դատավոր Բախշիյանի փաստաբանները Դավիթ Արղամանյանին ինքնաբացարկ են հայտնել. որոշումը կհրապարակվի վաղը

498

Հինգշաբթի, 03 փետրվարի, 2022 թ., 20:47

Դատավոր Բախշիյանի փաստաբանները ինքնաբացարկ են հայտնել դատավոր Դավիթ Արղամանյանին․ այս մասին լրագրողներին հայտնեց փաստաբան Երեմ Սարգսյանը։ Նա տեղեկացրեց, որ դատարանը հեռացել է խորհրդակցական սենյակ՝ որոշում կայացնելու, այն կհրապարակվի վաղը՝ ժամը 10։00-ին։

«Մենք համարում ենք, որ քանի որ ձեռքով է այս գործը մակագրվել Դավիթ Արմաղանյանին, ինչը շատ կանխատեսելի էր, այս դատարանը չի կարող համարվել օրենքի ուժով ստեղծված»,-նիստից հետո, լրագրողների հետ զրույցում, ասաց փաստաբանը։

Հիշեցնենք՝ Երևան քաղաքի ընդհանուր իրավասության դատարանի Աջափնյակի նստավայրում, նախագահությամբ՝ դատավոր Դավիթ Արղամանյանի, քննվում էր Սյունիքի մարզի առաջին ատյանի ընդհանուր իրավասության դատարանի դատավոր, որի լիազորությունները կասեցված են, Բորիս Բախշիյանի նկատմամբ կալանավորումը որպես խափանման միջոց ընտրելու մասին ԱԱԾ քննիչի միջնորդությունը։