ԱՄՆ-ը պնդում է՝ Ռուսաստանը կարող է կեղծ տեսանյութ օգտագործել՝ Ուկրաինայի վրա հարձակման համար

ԱՄՆ հետախուզությունը տեղեկություններ է հավաքել Մոսկվայի կողմից կեղծ տեսանյութի պատրաստման մասին՝ Ուկրաինայի զինված ուժերին մեղադրելու Դոնբասում կամ ՌԴ մերձակա շրջաններում խաղաղ բնակիչների մահվան մեջ, այս մասին այսօր մամուլի ասուլիսի ժամանակ հայտարարել է ԱՄՆ արտաքին գերատեսչության մամուլի քարտուղար Նեդ Փրայսը:

ԱՄՆ ազգային անվտանգության խորհրդականի տեղակալ Ջոնաթան Ֆայներն իր հերթին լրագրողներին պարզաբանել է, որ Վաշինգթոնը հստակ չգիտի՝ կգործի՞ արդյոք ՌԴ-ը նման մեթոդով, բայց գիտեն, որ այդպիսի տարբերակ դիտարկվում է:

Կրեմլի ներկայացուցիչ Դմիտրի Պեսկովն արձագանքել է այդ հայտարարությանը՝ նշելով, որ ԱՄՆ-ում առաջին անգամը չէ, որ նման նյութեր են հրապարակվում, սակայն դրանց ոչինչ չի հաջորդել։