Սերժ Սարգսյանը հարցում է պատվիրել. «Հրապարակ»

«Հրապարակ»-ը գրում է. «Ազգային անվտանգության ծառայությունը, ինչպես նաեւ քաղաքական տարբեր ուժեր պարբերաբար հանրային կարծիքի ուսումնասիրություններ են իրականացնում, որպեսզի պարզեն քաղաքական ուժերի և Նիկոլ Փաշինյանի իրական վարկանիշը։ Նման ուսումնասիրությունները, որպես կանոն, չեն հրապարակվում, դրանք ներքին օգտագործման համար են։ Մեր տեղեկություններով, վերջերս նման ուսումնասիրություն է կատարվել երրորդ նախագահ Սերժ Սարգսյանի պատվերով:

Հարցման արդյունքները գաղտնի են պահվում, բայց դրանց արդյունքներին ծանոթ անձինք պնդում են, որ պատկերը բավականին ոգեւորիչ է եղել ընդդիմության համար։ Համաձայն այդ հարցումների՝ չնայած անհատ գործիչների մեջ ամենաբարձր վարկանիշն այս պահի դրությամբ էլ ունի գործող վարչապետ Փաշինյանը, սակայն այն էականորեն անկում է ապրել և այս պահին 20-25 տոկոսի սահմաններում է ու նվազելու միտում ունի։

Բնականաբար, ինչպեսև սպասում էինք, ՀՀԿ-ից ո՛չ հաստատեցին մեր տեղեկությունը և ո՛չ էլ հերքեցին։ Նկատենք նաև, որ բոլոր իշխանությունները ադմինիստրատիվ ռեսուրսի հաշվին մշտապես մոտ 30 տոկոս ունենում են»:

Մանրամասները՝ թերթի համարում: