«Դուք մասնակցել եք Տարոն Մարգարյանի քարոզարշավին, ծաղրել Նիկոլ Փաշինյանին»․ Խամոյանը՝ Մինասյանին

«Դուք ՀՀԿ ավագանու անդամ եք եղել, մասնակցել եք Տարոն Մարգարյանի քարոզարշավին, այդ ընթացքում ծաղրել եք Նիկոլ Փաշինյանին՝ ասելով, որ Տարոն Մարգարյանի հետ փորձում է մրցել մի մարդ, ով նույնիսկ մի համատիրություն չի ղեկավարել»,- այսօր՝ ԱԺ պետաիրավական հարցերի մշտական հանձնաժողովի նիստի ժամանակ, դիմելով արդարադատության փոխնախարար Գրիգոր Մինասյանին՝ ասաց «Հայաստան» խմբակցության պատգամավոր Ագնեսա Խամոյանը։
«Դա սուտ է, հերյուրանք, թե իբր ես ծաղրել եմ ինչ-որ քաղաքական գործչի։ Երբեք այդպիսի բան չի եղել․ եղել են քաղաքական դեբատներ, քաղաքական հայտարարություններ, որոնք երբեք ծաղրանք չեն եղել»,- ի պատասխան ասաց Մինասյանը։