«ՀՀ խնդիրն է ոչ մի դեպքում թույլ չտալ նման զարգացում». Տիգրան Խզմալյան

Հայաստանի Եվրոպական կուսակցության նախագահ Տիգրան Խզմալյանը ֆեյսբուքյան իր էջում գրել է. «Եթե Պուծինը փորձում է օգտագործել գազն իբրև քաղաքական ճնշման լծակ Եվրոպայի վրա, ապա Ալիևն այժմ ձգտում է օգտագործել գազը հակառակ նպատակով՝ ապահովելու իր քաղաքական անձեռնմխելիությունն արևմտյան ճնշումներից: ՀՀ խնդիրն է ոչ մի դեպքում թույլ չտալ նման զարգացում և դա միանգամայն հնարավոր է: Որպես այլընտրանք ռսական և ադրբեջանական գազին մենք պետք է առաջարկենք իրանական գազը, որի վերաբերյալ ԱՄՆ բանակցում է Իրանի հետ Վիեննայում: Մեր կողմից անհրաժեշտ է շտապ սկսել Իրան-ՀՀ լայն տրամաչափով գազատարի կառուցման քննարկումն ու իրականացումը: Միաժամանակ պետք է մեծացնել ճնշումը ԵՄ վրա հստակ պահանջով՝ ոչ մի գործարք Բաքվի հետ մինչև բոլոր հայ ռազմագերիների ազատագրումը»: