«Ավելի ճիշտ չէ՞ր լինի նրանց վերահավաքագրել ու ԱԱԾ-ի վերահսկողության ներքո հակառակորդին տալ ապակողմնորոշող տվյալներ». Ա. Մելիքյան

Արցախի նախկին արտգործնախարար Արման Մելիքյանի գրառումը. «ԱԱԾ-ն մոտ քսան լրտեսներից բաղկացած գործակալական ցանց է չեզոքացրել՝ ձերբակալելով դրա անդամներին: Ասվում է, որ այդ մարդիկ գումարի դիմաց մեր ռազմական պոտենցիալի վերաբերյալ գաղտնի տվյալներ են փոխանցել ադրբեջանական հատուկ ծառայություններին: Գուցե միամտաբար սխալվում եմ, բայց այդ մարդկանց ցուցադրաբար կանդալելու փոխարեն ավելի ճիշտ չէ՞ր լինի նրանց վերահավաքագրել ու հենց ԱԱԾ-ի վերահսկողության ներքո հակառակորդին տալ նրան ապակողմնորոշող տվյալներ: Դեռ դրա դիմաց էլ պետբյուջեն թշնամու գումարների հաշվին լցնել: Բայց դե չէ է՝ միամիտ եմ»: