Թուրքիայի ԱԳՆ-ը իր քաղաքացիներին խորհուրդ է տվել զերծ մնալ Ուկրաինայի արևելք մեկնելուց

Թուրքիայի ԱԳՆ-ն շաբաթ օրը խորհուրդ է տվել իր քաղաքացիներին՝ զերծ մնալ Ուկրաինայի արևելք մեկնելուց․ հայտնում է ՏԱՍՍ-ը։

«Մեր երկիրն ուշադիր հետևում է Ուկրաինայի անվտանգության իրավիճակին։ Այս կապակցությամբ մեր քաղաքացիներին խորհուրդ է տրվում զերծ մնալ Ուկրաինայի արևելյան սահմանամերձ շրջաններ մեկնելուց, եթե խիստ անհրաժեշտություն չկա։ Մեր քաղաքացիներին խորհուրդ է տրվում ձեռնարկել բոլոր հնարավոր նախազգուշական միջոցները իրենց անձնական անվտանգության համար և ճանապարհորդելուց առաջ կապ հաստատել Կիևում մեր դեսպանատան հետ»,- ասված է հանրապետության արտաքին գործերի նախարարության հաղորդագրությունում։

Ավելի վաղ միանգամից մի քանի պետություններ, որոնց դեսպանատները գտնվում են Ուկրաինայում, հայտարարել էին իրենց աշխատակիցներին երկրից տարհանելու մասին կամ դիտարկում էին նման հնարավորություն։