Դոնեցկի ու Լուգանսկի ղեկավարները խնդրանքով դիմել են Պուտինին

Դոնեցկի և Լուգանսկի ինքնահռչակ ժողովրդական հանրապետությունների ղեկավարներ Դենիս Պուշիլինը և Լեոնիդ Պասեչնիկը դիմել են ՌԴ նախագահ Վլադիմիր Պուտինին՝ խնդրելով ճանաչել ԴԺՀ-ի և ԼԺՀ-ի անկախությունը։

«Ամբողջ ժողովրդի անունից խնդրում ենք Ձեզ ճանաչել ԴԺՀ-ն որպես անկախ, ժողովրդավարական, իրավական և սոցիալական պետություն: Խնդրում ենք նաև դիտարկել ԴԺՀ-ի և Ռուսաստանի միջև բարեկամության և համագործակցության մասին համաձայնագրի կնքման հնարավորությունը՝ նախատեսելով համագործակցություն պաշտպանության ոլորտում»,- ասել է Պուշիլինը տեսաուղերձում։