Պուտինը հրահանգել է հատուկ պատրաստվածության ռեժիմի բերել միջուկային ուժերը

2006

Կիրակի, 27 փետրվարի, 2022 թ., 18:24

ՌԴ նախագահ Վլադիմիր Պուտինը հանդիպել է պաշտպանության նախարար Սերգեյ Շոյգուի և ՌԴ ԶՈւ գլխավոր շտաբի պետ Վալերի Գերասիմովի հետ։

«Պուտինն, ի պատասխան ՆԱՏՕ-ի երկրների բարձրաստիճան պաշտոնյաների ոչ բարյացակամ հայտարարությունների, ՊՆ-ին հրամայել է ռուսական զսպիչ ուժերը բերել հատուկ մարտական զգոնության ռեժիմի»-, գրում է Коммерсант-ը։

«ՆԱՏՕ-ի առաջատար երկրների բարձրաստիճան պաշտոնյաները նույնպես թույլ են տալիս ագրեսիվ հայտարարություններ անել մեր երկրի դեմ։ Ուստի, ես հրաման եմ տալիս պաշտպանության նախարարին և գլխավոր շտաբի պետին ռուսական բանակի զսպող ուժերը բերել մարտական հերթապահության հատուկ ռեժիմի»,- ընդգծել է Պուտինը։

ՌԴ ՊՆ կայքում նշվում է, որ ռազմավարական զսպման ուժերը (ՌԶՈւ) հանդիսանում են ՌԴ ԶՈւ մարտունակության հիմքը, որը նախատեսված է Ռուսաստանի Դաշնության և նրա դաշնակիցների դեմ ագրեսիան զսպելու, ինչպես նաև ագրեսորին ջախջախելու համար: Դա ենթադրում է պատերազմի վարում՝ օգտագործելով տարբեր տեսակի զենքեր, այդ թվում՝ միջուկային։ Զսպիչ ուժերի հիմքը ռազմավարական միջուկային ուժերն են, որոնց կազմում ներառվում են Ռազմավարական հրթիռային ուժերը։