«Մնում ա՝ մի հատ էլ հայհոյանք դնեք քվեարկությունից առաջ կամ հետո»․ Արշակյանը՝ Օհանյանին

Ինչպես հայտնել ենք, «Հայաստան» խմբակցության ներկայացրած՝ Ադրբեջանի և Թուրքիայի խորհրդարանների կողմից «Շուշիի հռչակագրի» վավերացման կապակցությամբ ԱԺ հայտարարությունը մերժվեց գլխադասային հանձնաժողովի կողմից։

Այսօր՝ ԱԺ նիստում «Հայաստան» խմբակցության պատգամավոր Սեյրան Օհանյանը հայտարարության մասին ասաց․ «Մեր առաջարկությունն այն է, որ ներառեք նիստերի օրակարգ և քննարկենք, որովհետև անչափ կարևոր հարց է։ Հակառակ դեպքում մենք սա կդիտարկենք որպես թշնամու շահերի սպասարկում։
«Սպառնալիքների տոնը, պարո՛ն Օհանյան, չգիտեմ՝ որտեղից ա գալիս»,- արձագանքեց ԱԺ նախագահի պարտականությունները կատարող Հակոբ Արշակյանը։
«Դեռ շատ մեծ հարց ա՝ ով ա թշնամու շահերը սպասարկում, պարո՛ն Օհանյան»,- իր հերթին ասաց ԱԺ նախագահի տեղակալ Ռուբեն Ռուբինյանը։
«Մնում ա՝ մի հատ էլ հահոյանք դնեք այս կամ այն քվեարկությունից առաջ կամ հետո»,- հավելեց Արշակյանը։