Կանադան և եվրոպական մի շարք երկրներ կոչ են անում Ռուսաստանին հեռացնել Ինտերպոլից

Կանադան և եվրոպական մի շարք պետություններ կոչ են անում հանել Ռուսաստանի Դաշնությունն Ինտերպոլից Ուկրաինայում ստեղծված իրավիճակի պատճառով։ Կանադայի վարչապետ Ջասթին Թրյուդոն հինգշաբթի լրագրողներին ասել է. «Այսօր Կանադան և մեր մյուս մտերիմ գործընկերները կոչ են անում Ռուսաստանին հեռացնել Ինտերպոլի անդամակցությունից»։ Նրա խոսքով, այս կազմակերպությունում համագործակցությունը ենթադրում է նրա բոլոր անդամների հավաքական հանձնառությունը մարդու իրավունքների միջազգային հռչակագրին և փոխադարձ հարգանքին։

G20-ի մասնակիցները պետք է քննարկեն կազմակերպությանը Ռուսաստանի անդամակցության հարցն Ուկրաինայում ստեղծված իրավիճակի ֆոնին, հավելել է Թրյուդոն։

«Մենք կխոսենք այս մասին ամիսներ շարունակ, մինչ կսպասենք G20-ի [առաջնորդների] հանդիպմանը աշնանը: Դեռևս չկան կոշտ և արագ որոշումներ, բայց մենք, անշուշտ, պետք է մտածենք դրա մասին»,- ասել է նա: Նրա խոսքով՝ համաշխարհային առաջնորդները պետք է անհանգստություն հայտնեն Ուկրաինայում Ռուսաստանի գործողությունների վերաբերյալ, բայց «նաև կառուցողական մասնակցություն ունենան համաշխարհային տնտեսությանը»։