Երեքշաբթի, 29 ապրիլի, 2025 թ.
|
Ստեփանակերտում`   +5 °C

Պատերազմն Ուկրաինայում կարող է առաջացնել հացահատիկի վատթարագույն դեֆիցիտը պատմության մեջ

Պատերազմն Ուկրաինայում կարող է առաջացնել հացահատիկի վատթարագույն դեֆիցիտը պատմության մեջ
784
Հինգշաբթի, 03 մարտի, 2022 թ., 23:21

Պատերազմն Ուկրաինայում կարող է առաջացնել հացահատիկի շուկայի պատմության մեջ ամենասարսափելի ցնցումը: Այս մասին Bloomberg-ին ասել է Իլինոյսի համալսարանի տնտեսագետ Սքոթ Իրվինը։

Ուկրաինայում պատերազմը կարող է աշխարհին զրկել տասնյակ միլիոնավոր ակր հացահատիկից, ասել է Իրվինը:

Աշխարհը օրհասական կարիք ունի, որ ֆերմերները հնարավորինս շատ հացահատիկ ցանեն 2022 թվականին։ Այնուամենայնիվ, ոչինչ հնարավոր չէ փոխել կարճաժամկետ հեռանկարում, բացառությամբ՝ գների բարձրացման, քանի դեռ այն չի բավարարել շուկայի պահանջարկը:

Ուկրաինան և Ռուսաստանը արտադրում են ցորենի համաշխարհային առևտրի ավելի քան մեկ քառորդն, ինչպես նաև եգիպտացորենի արտադրանքի մեկ հինգերորդը: Այս մշակաբույսերի գները բարձր տեմպերով են բարձրանում մատակարարման ընդհատումների պատճառով, և դա՝ պարենային ապրանքների համաշխարհային գների առավելագույն թանկացման պայմաններում։

Դեռևս Ուկրաինայի դեմ Ռուսաստանի լայնամասշտաբ պատերազմից առաջ պարենային ապրանքների գնաճը մնաց առավելագույն մակարդակի վրա։ Անբարենպաստ եղանակը դժվարացրել է մշակաբույսերի մշակումը, մինչդեռ աշխատուժի պակասը և առաքման բարձր ծախսերը խաթարել են մատակարարման շղթաները:

Հացահատիկի համաշխարհային պաշարները նույնպես ցածր մակարդակի վրա են, ուստի ցանկացած երկարաժամկետ մատակարարում Ուկրաինայից կամ Ռուսաստանից կարող է երկար տարիներ խաթարել շուկաները: