Deep Purple-ի դաշնակահարը վերադարձրել է Մեդվեդևի ինքնագիրը

Deep Purple-ի դաշնակահար Դոն Էյրին վերադարձրել Ռուսաստանի Դաշնության Անվտանգության խորհրդի փոխնախագահ Դմիտրի Մեդվեդևի ինքնագիրը՝ ի նշան բողոքի Ուկրաինայում Մոսկվայի ռազմական գործողության դեմ։ Այս մասին ասվում է Twitter-ում ռոք խմբի էջում հրապարակված հաղորդագրության մեջ. «Ես հենց նոր գրեցի Դմիտրի Մեդվեդևին՝ վերադարձնելով ինքնագիրը, որը նա տվել էր ինձ Գորկիի պալատում Deep Purple-ի պատվին ընթրիքի ժամանակ 2011 թվականի մարտին՝ ի նշան բողոքի ներխուժումից հետո արված մի շարք հայտարարությունների դեմ»,- ասել է 73-ամյա դաշնակահարը՝ հիշելով, թե ինչպես է խումբը նվագել Խարկովում 20 տարի առաջ։ «Այսօր ուրիշ օր է»,- հայտարարել է երաժիշտը։

Մեդվեդևը բազմիցս ասել է, որ 1968 թվականին Անգլիայում հիմնադրված խմբի երկարամյա երկրպագուն է։