Վրացական բանկը քաղաքական պահանջներ է դնում ՌԴ քաղաքացիների առջև․ «Հրապարակ»

«Հրապարակ» թերթը գրում է. «Վրաստանի խոշորագույն բանկ Bank of Georgia-ն քաղաքական պահանջներ է դնում ՌԴ քաղաքացիների առջև։ Նախքան բանկային հաշիվ բացելը, նրանք պետք է ստորագրեն մի փաստաթղթի տակ, որտեղ ասված է․ «Ես դատապարտում եմ Ռուսաստանի ագրեսիան Վրաստանում և Ուկրաինայում։ Համաձայն եմ, որ Ռուսաստանն օկուպանտ է, որը 2008-ին ներխուժել է Վրաստան, իսկ 2014 և 2022 թթ․՝ Ուկրաինա։ Ես պաշտպանում եմ Վրաստանի տարածքային ամբողջականությունը և ճանաչում եմ Աբխազիան և Սամաչաբլոն որպես Վրաստան․․․ չեմ կիսում ռուսական պետական քարոզչությունը և պատրաստ եմ օգնել դրա դեմ պայքարում։ Հասկանում եմ, որ այս դրույթների ցանկացած խախտում կհանգեցնի Վրաստանի բանկում իմ հաշվի չեղարկմանը»:

Եթե հրաժարվում են ստորագրել, ապա բանկը հրաժարվում է հաշիվներ բացել և սպասարկել ՌԴ քաղաքացիներին»:
Առավել մանրամասն՝ թերթի այսօրվա համարում