Sony Music ընկերությունը հայտարարել է Ռուսաստանում աշխատանքի դադարեցման մասին

Sony Music Group ձայնագրման ընկերությունը հայտնել է, որ ժամանակավորապես դադարեցնում է աշխատանքը Ռուսաստանում, թեև առայժմ վճարելու է իր աշխատակիցների աշխատավարձերը:
Այս մասին գրում է Variety-ն՝ ընկերության մամուլի ծառայությանը հղումով։

«Sony Music Group-ը կոչ է անում խաղաղություն հաստատել Ուկրաինայում և վերջ տալ բռնությանը: Մենք դադարեցրել ենք գործունեությունը Ռուսաստանում և կշարունակենք մեր աջակցությունը կարիքավորներին մարդասիրական օգնություն տրամադրելու համար»,- ասվում է ուղերձում:

Sony Music-ն իր տեսակի մեջ երկրորդ խոշոր ընկերությունն է Ռուսաստանում: Սպասվում է, որ Sony-ի հետ Warner ընկերությունը մոտ ապագայում կլքի Ռուսաստանը։