Burger King-ը դադարեցնում է ՌԴ-ի իր՝ ավելի քան 800 ֆրանչայզային հաստատությունների կորպորատիվ աջակցությունը

Ամերիկյան Burger King արագ սննդի ռեստորանների ցանցը հայտարարել է ռուսական շուկայի կորպորատիվ աջակցության դադարեցման մասին։ Այս մասին ասվում է հինգշաբթի օրը ընկերության կայքում հրապարակված հաղորդագրության մեջ։

«Burger King-ը դադարեցրել է կորպորատիվ աջակցությունը ռուսական շուկայի համար՝ ներառյալ մարքեթինգը և մատակարարման շղթան, և մերժել է ներդրումների և [շղթայի] ընդլայնման հաստատումը», - ասվում է հայտարարության մեջ:

Նշվում է, որ ընկերությունը Ռուսաստանում կորպորատիվ ռեստորաններ չունի։ Բոլոր գործող Burger King սննդի սպասարկման կետերը արտոնագրված են տեղական ֆրանչայզերի ղեկավարությամբ:

Մարտի 2-ին ընկերության մամուլի ծառայությունից հայտնել են, որ «Burger King-ը կշարունակի գործել Ռուսաստանում և 2022 թվականին կբացի նոր ռեստորաններ»։