Հինգշաբթի, 05 փետրվարի, 2026 թ.
|
Ստեփանակերտում`   +2 °C

Ռուսաստանը Չինաստանից ռազմական օգնություն է խնդրել. #FinancialTimes

Ռուսաստանը Չինաստանից ռազմական օգնություն է խնդրել. #FinancialTimes
2282
Երկուշաբթի, 14 մարտի, 2022 թ., 01:42

Ռուսաստանի Դաշնությունը ռազմական օգնություն է խնդրել Չինաստանից Ուկրաինա լայնամասշտաբ ներխուժման ժամանակ։ Ամերիկայի Միացյալ Նահանգները մտահոգված է, որ Պեկինի և Մոսկվայի միջև կապերն ավելի են սերտանում։ Այս մասին հայտնում է Financial Times-ը։

ԱՄՆ պաշտոնյաների խոսքով՝ Ռուսաստանի Դաշնությունը ռազմական տեխնիկա է խնդրել Չինաստանից՝ Ուկրաինայի պատերազմին աջակցելու համար։ Սպիտակ տունը մտահոգված է, որ Պեկինը դեռ կարող է խաթարել Ուկրաինային օգնելու Արևմուտքի ջանքերը: Թե ինչ տեխնոլոգիայի մասին է խոսքը, դեռ հայտնի չէ։

Պաշտոնյաներից ոմանք ասում են, որ պատերազմի 3-րդ շաբաթում նշաններ կան, որ ագրեսորի մոտ սպառվում են զենքերը։
Սպիտակ տունը դեռ չի մեկնաբանել այս տեղեկությունը, Վաշինգթոնում Չինաստանի դեսպանատունը նույնպես չի պատասխանել մեկնաբանության խնդրանքին։

Միևնույն ժամանակ, ԱՄՆ ազգային անվտանգության հարցերով խորհրդական Ջեյք Սալիվանը երկուշաբթի օրը մեկնում է Հռոմ՝ հանդիպելու Չինաստանի արտաքին քաղաքականության բարձրաստիճան պաշտոնյայի Յան Ցզեչիի հետ՝ նախազգուշացնելու նրան, որ անգամ չփորձի օգնել Ռուսաստանին շարունակել պատերազմը կամ խուսափել պատժամիջոցներից: «Մենք կհամոզվենք, որ ո՛չ Չինաստանը, ո՛չ էլ որևէ մեկը չեն կարող փոխհատուցել Ռուսաստանին այդ կորուստների համար: Ինչ վերաբերում է դա անելու կոնկրետ ձևերին, նորից չեմ պատրաստվում հրապարակայնորեն հրապարակել այդ ամենը, բայց մենք մասնավոր կերպով կզեկուցենք Չինաստանին, ինչպես արել ենք և շարունակենք անել», - ասել է Սալիվանը: