#Bayer-ը ևս հեռանում է Ռուսաստանից և Բելառուսից

Bayer-ը դադարեցնում է գործունեությունը Ռուսաստանում և Բելառուսում՝ բացառությամբ առողջապահության և գյուղատնտեսության հիմնական ապրանքների մատակարարման, ասվում է դեղագործական կորպորացիայի պաշտոնական կայքում։

Կորպորացիան պարզաբանել է, որ խոսքը բոլոր ներդրումային նախագծերի, ինչպես նաև գովազդային և մարքեթինգային գործունեության կասեցման մասին է։

Նշվում է նաև, որ կորպորացիան ունի էթիկական պարտավորություններ յուրաքանչյուր երկրում, որտեղ այն գործում է: «Քաղաքացիներին հիմնական բժշկական և գյուղատնտեսական արտադրանքներից զրկելը, ինչպիսիք են քաղցկեղի կամ սրտանոթային հիվանդությունների համար նախատեսված դեղամիջոցները, հղի կանանց և երեխաների համար նախատեսված առողջապահական արտադրանքները և մշակաբույսերի սերմերը միայն կավելացնեն մարդկանց շարունակական կորուստները»,- հայտարարել է ընկերությունը: