Pfizer-ը կդադարեցնի ներդրումները Ռուսաստանում

Ամերիկյան Pfizer դեղագործական ընկերությունը որոշել է դադարեցնել իր նախատեսվող ներդրումները Ռուսաստանում։ Այս մասին ասվում է ընկերության մամուլի հաղորդագրությունում:

Միաժամանակ Pfizer-ը կշարունակի դեղորայք մատակարարել երկիր։ «Դեղորայքի մատակարարման դադարեցումը, այդ թվում՝ քաղցկեղի կամ սրտանոթային հիվանդությունների բուժման համար, կհանգեցնի հիվանդների զգալի տառապանքների և կյանքի հավանական կորստի, հատկապես՝ երեխաների և տարեցների շրջանում»,- ասվում է ընկերությունում:

Մամուլի հաղորդագրության մեջ ասվում է, որ մատակարարումների պահպանումը չի նշանակում, որ Pfizer-ը կշարունակի իր բիզնեսը Ռուսաստանում, ինչպես նախկինում: «Մենք կդադարեցնենք տեղական մատակարարների հետ նախատեսվող բոլոր ներդրումները, որոնք ուղղված են երկրում արտադրական հզորությունների ավելացմանը»,- հավելել են ընկերությունում։