Ռուսական «Առաջին ալիք»-ի խմբագիրը տուգանվել է եթերում հակապատերազմական պաստառ պարզելու համար

Մոսկվայի Օստանկինոյի դատարանը տուգանել է Առաջին ալիքի աշխատակցուհի Մարինա Օվսյաննիկովային, ով մարտի 14-ի երեկոյան լուրերի ուղիղ թողարկման ժամանակ մտել էր կադրի մեջ և պաստառ պարզել՝ կոչ անելով դադարեցնել պատերազմն ու չհավատալ այդ ալիքի քարոզչական կեղծիքներին:

«Մոսկվայի Օստանկինսկի շրջանային դատարանի 2022 թվականի մարտի 15-ի որոշմամբ Օվսյաննիկովա Մ.Վ-ն մեղավոր է ճանաչվել Ռուսաստանի Դաշնության Վարչական իրավախախտումների վերաբերյալ օրենսգրքի 20.2-րդ հոդվածի 2-րդ մասով վարչական իրավախախտում կատարելու համար և ենթարկվել վարչական տույժի 30.000 ռուբլու չափով վարչական տուգանքի տեսքով», - ասվում է Օստանկինոյի դատարանի մամուլի ծառայության հաղորդագրության մեջ: