#Amcor-ը կկրճատի իր գործունեությունը Ռուսաստանում

1957

Երկուշաբթի, 21 մարտի, 2022 թ., 18:36

Սննդամթերքի և անձնական հիգիենայի ապրանքների փաթեթավորումներ արտադրող միջազգային Amcor ընկերությունը որոշել է կրճատել իր գործունեությունը Ռուսաստանում, մասնավորապես՝ դադարեցնել ներդրումները Ուկրաինայի շուրջ ստեղծված իրավիճակի պատճառով
Գործադիր տնօրեն Ռոն Դելիայի խոսքով, Amcor-ը Ռուսաստանում բիզնես է անում ավելի քան 20 տարի: Ռուսաստանի Դաշնությունում գործում են ընկերության երեք ձեռնարկություններ, որոնք արտադրում են ընկերության ընդհանուր վաճառքի 2-3%-ը։
«Ներկայիս հանգամանքները մանրակրկիտ դիտարկելուց հետո մենք կնվազեցնենք մեր գործունեությունը այնտեղ (Ռուսաստանում)՝ դադարեցնելով նոր նախագծերն ու ներդրումները, հնարավորինս շուտ դադարեցնելով արտահանումը երկրից»,- ասվում է Amcor-ի ղեկավարի հայտարարության մեջ։
Հաղորդվում է, որ ընկերությունը կշարունակի ուսումնասիրել բիզնեսով զբաղվելու բոլոր տարբերակները՝ հաշվի առնելով ստեղծված իրավիճակը։