Կիրակի, 13 հուլիսի, 2025 թ.
|
Ստեփանակերտում`   +28 °C

ԱՄՆ-ը Ռուսաստանի դեմ պատժամիջոցների նոր փաթեթ է պատրաստում

ԱՄՆ-ը Ռուսաստանի դեմ պատժամիջոցների նոր փաթեթ է պատրաստում
1211
Երեքշաբթի, 29 մարտի, 2022 թ., 18:48

ԱՄՆ-ը ծրագրում է Ռուսաստանի դեմ նոր պատժամիջոցների փաթեթ, որը պետք է հարվածի պաշտպանական մատակարարումների շղթային։ Այս մասին հայտարարել է ԱՄՆ ֆինանսների փոխնախարար Ուոլլի Ադեյեմոն, նրա ելույթը հրապարակվել է ֆինանսների նախարարության կայքում։

Նրա խոսքով՝ «միջոցառումներ են դիտարկվում լրացուցիչ հատվածների դեմ, որոնք վճռորոշ նշանակություն ունեն» Ռուսաստանի Դաշնության՝ «իր ռազմական մեքենան» կառավարելու կարողության համար, որին հասանելիության կորուստը, ի վերջո, կսահմանափակի Ռուսաստանի հնարավորությունները»:

Բացի այդ, Նահանգները նախատեսում են միջոցներ ձեռնարկել մատակարարման կարևորագույն շղթաները խաթարելու համար՝ ի լրումն այն ոլորտների ընկերությունների դեմ պատժամիջոցների, որոնք նպաստում են Ռուսաստանի «չարամիտ գործունեությանը», ասվում է Ադեյեմոյի հայտարարության մեջ: Նրա խոսքով՝ ԱՄՆ-ը նախատեսում է այդ գործողություններն իրականացնել «30-ից ավելի գործընկերների ու դաշնակիցների հետ միասին»։