«Կադանս» անսամբլը հանդես կգա համերգով

Ապրիլի 12-ին՝ ժամը 19:00-ին, «Առնո Բաբաջանյան» համերգասրահում տեղի կունենա «Կադանս» անսամբլի համերգը: 2004 թվականից ի վեր անսամբլը հանրությանն է հաղորդում յուրատեսակ հայ-արգենտինական տրամադրություն։ Երեկոյի ընթացքում կհնչեն Սայաթ-Նովայի, Կոմիտասի, Արամ Խաչատրյանի, Էդվարդ Բաղդասարյանի, Աստոր Պիացոլայի, Ռիչարդ Գալիանոյի, Վալտեր Ռիոսի և այլ կոմպոզիտորների ստեղծագործությունները:

«Կադանս»-ը ձևավորվել է հինգ հայ երաժիշտների կողմից՝ նպատակ ունենալով կատարել արգենտինացի կոմպոզիտոր Աստոր Պիացոլայի ստեղծագործությունները։ Ժամանակի ընթացքում այն ընդլայնեց իր կատարումները՝ ներառելով եվրոպական, ամերիկյան, ռուս և հայ դասական և ժամանակակից կոմպոզիտորների գլուխգործոցները։