«Խաղաղություն աղերսելով՝ պատերազմներից անհնար է խուսափել». Էդուարդ Շարմազանով

381

Ուրբաթ, 01 ապրիլի, 2022 թ., 19:54

ՀՀԿ խոսնակ Էդուարդ Շարմազանովը գրել է. «Ինձ հաճախ են հարցնում՝ ի՞նչ պետք է անի իշխանությունը, որ չի անում։ Ասեմ...

Դադարեցնի հայ-թուրքական կործանարար սիրախաղը։ Ադրբեջանի հետ որևէ բանակցության չգնալ մինչև գերիները չվերադառնան ու Հայաստանի 41 քառ. կմ թշնամին չի ազատել։

Առանց հիմնարար 3 սկզբունքների ու մասնավորապես ազգերի ինքնորոշման իրավունքի ամրագրման չսկսել որևէ բանակցություն։ Միջազգային բոլոր ատյաններում՝ ԵԱՀԿ-ից մինչև ՄԱԿ, ԱՊՀ-ից մինչև ՀԱՊԿ դնել Շուշիի ու Հադրութի դեօկուպացիայի հարցը։

Ոչ մի դեմարկացիա ու դելիմիտացիա՝ առանց Արցախի ինքնորոշման իրավունքի իրացման ու հայության անվտանգության երաշխավորման։

Բանակի վերազինում։ Սա այն քայլերն են, որ չի արվել։ Ավելին՝ իրականացվել է ճիշտ հակառակը։ Ու հերիք է պատերազմով վախեցնեն։ Պատերազմով վախեցրեց ու զիջեց Սյունիքի մի մասը, Գորիս-Կապան 21 կմ փաստացը թշնամուն տրվեց ու այսօր թշնամին Հայաստանում է։ Խաղաղություն աղերսելով՝ պատերազմներից անհնար է խուսափել»։

Աղբյուրը` Էդուարդ Շարմազանով