Կյանքից հեռացել է ՀՀ ժողովրդական նկարիչ Ֆերդինանտ Մանուկյանը
![]() 262 Երկուշաբթի, 18 ապրիլի, 2022 թ., 18:48 ՀՀ կրթության, գիտության, մշակույթի և սպորտի նախարարությունը խորը վշտով տեղեկացնում է, որ 2022 թ. ապրիլի 18-ին կյանքից հեռացել է ՀՀ ժողովրդական նկարիչ, գեղանկարիչ Ֆերդինանտ Մանուկյանը: Ֆերդինանտ Մանուկյանը ծնվել է 1941 թ. ապրիլի 20-ին Լենինականում (այժմ՝ Գյումրի): 1960 թ. ավարտել է Երևանի Փ. Թերլեմեզյանի անվան գեղարվեստի ուսումնարանը, 1967 թ.՝ Երևանի գեղարվեստաթատերական ինստիտուտը: 1968-72 թթ. եղել է Գյումրի քաղաքի գլխավոր նկարիչը: Աշխատել է հիմնականում մոնումենտալ և հաստոցային գեղանկարչության բնագավառներում: Նկարչի ֆլորենտական տեխնիկայով արված խճանկարներին և որմնանկարներին բնորոշ են ազգային նկարագրի վավերականությունը՝ «Մուտք Գյումրի» (1970 թ., որմնանկար), «Գյումրեցիներ» (1970 թ.), «Սասունցիների պարը», (1973-75 թթ., խճանկարներ) և այլն: Հաստոցային գործերից են՝ «Նատյուրմորտ», «Մեկ ամիս գյուղում» (1986 թ., «Տարվա լավագույն աշխատանքի» համար մեդալ), «Կնոջ իրան», «Տիեզերք» (1980-90 թթ.) և այլն: Ստեղծել է նաև 1988 թ. Սպիտակի երկրաշարժի զոհերին նվիրված «Երկրաշարժ և վերածնունդ» խճանկարի նախանկարը (1997 թ.), ջրաներկ նկարաշարեր (2000-2004 թթ.) և այլն: Անհատական ցուցահանդեսներ է ունեցել Երևանում (1994 թ., 2002 թ., 2012 թ.), Գյումրիում (1995 թ.), Փարիզում (1999 թ.), Փասադենայում (2001 թ.), Հաագայում (2004 թ.) և այլուր: Գործերից պահվում են Հայաստանի ազգային պատկերասրահում, Երևանի ժամանակակից արվեստի թանգարանում: 1990 թ. արժանացել է Հայաստանի վաստակավոր, 2015 թ.՝ Ժողովրդական նկարչի կոչման: ՀՀ կրթության, գիտության, մշակույթի և սպորտի նախարարությունն իր վշտակցությունն է հայտնում Ֆերդինանտ Մանուկյանի ընտանիքի անդամներին, մերձավորներին, ընկերներին և նրա արվեստի երկրպագուներին: Ֆերդինանտ Մանուկյանի հոգեհանգստի և հուղարկավորության արարողությունների կապակցությամբ կձևավորվի կառավարական հանձնաժողով: |
«Եթե Հայաստանը հրաժարվի մասնակցել, «Հանրայինը» կզրկվի անդամությունից». Սարդարյան
26015.05.2022, 17:48Հայաստանի առաջին պետական շքանշանը
19313.05.2022, 03:18«Ասաց՝ Դավիթ ջան, ինքը պիտի Շուշիի Ղազանչեցոց եկեղեցում կնքվի». Դավիթ Ամալյան
42213.05.2022, 01:12Չեռնիգովում ապամոնտաժում են Ուկրաինայի, Ռուսաստանի և Բելառուսի «ժողովուրդների բարեկամության» հուշարձանը
37112.05.2022, 23:18««Տատիկիս վարսերը» ֆիլմը փակած ***ներին հարց եմ տալիս». Հովհ. Գալստյան
19012.05.2022, 20:48Ազոխում պղծվել է Հայրենական և Արցախյան առաջին պատերազմների զոհերի հուշարձանը
47112.05.2022, 03:06Հրատարակության է պատրաստվել Խաչիկ Դաշտենցի վերջին շեքսպիրյան թարգմանություններից մեկը՝ «Ջոն արքան»
9312.05.2022, 01:24«Սատանան գոհ կմնար». Վյաչեսլավ Օսետրով
34810.05.2022, 22:42