Կանայք ու երեխաները՝ Մարիուպոլի ապաստարանում

«Ազով» գունդը նոր տեսանյութ է հրապարակել մի ապաստարանից, որտեղ խաղաղ բնակիչները թաքնվում են ռուսական հարվածներից։ Տեսանյութում կանայք, ովքեր երեխաների հետ թաքնվում են ապաստարանում, ասում են, որ իրենց մնացել է ընդամենը մի քանի օրվա ջրի և սննդի պաշար:

Կանայք ասում են, որ անընդհատ գնդակոծությունների պատճառով երեխաները չեն կարողանում քնել։ Նրանք մեկուկես ամիս չեն տեսել արևի լույսը։

Մարդիկ ցույց են տալիս, որ քնում են կեղտոտ իրերի վրա՝ բարձր խոնավությամբ և բորբոսով պատված սենյակում։ Նրանք օգնություն են խնդրում աշխարհից ու Ուկրաինայի իշխանություններից։