Կիևում Ժողովուրդների բարեկամության հուշարձանի ապամոնտաժման ժամանակ ռուս բանվորի գլուխը պոկվել է

4589

Երեքշաբթի, 26 ապրիլի, 2022 թ., 19:42

Կիևի քաղաքապետ Վիտալի Կլիչկոն առաջարկում է Ուկրաինայի մայրաքաղաքում գտնվող Ժողովուրդների բարեկամության կամարը վերանվանել Ուկրաինացի ժողովրդի ազատության կամարի։
Երեքշաբթի ավելի վաղ ուկրաինական Strana-ն հայտնել էր, որ Կիևում սկսել են ապամոնտաժել ռուս և ուկրաինացի աշխատավորներին նվիրված հուշարձանը Ժողովուրդների բարեկամության կամարի տակ։

Ապամոնտաժման աշխատանքների ժամանակ ռուս բանվորի գլուխը պոկվել ու ընկեր է գետնին:
Կլիչկոյի խոսքով՝ նախատեսվում է մինչև երեկո ավարտել երկու բանվորների քանդակների ապամոնտաժումը։ «Մենք կվերանվանենք տիտանի թիթեղներից պատրաստված կամարը։ Հին խորհրդանիշները նոր նշանակություն են ստանում։ Եվ մենք այն կներկենք Ուկրաինայի դրոշի գույներով։ Ես ստորագրել և ներկայացրել եմ որոշման նախագիծ, որը Կիևի քաղաքային խորհուրդը կքննարկի հաջորդ նիստում»,- գրել է Կլիչկոն Telegram-ի ալիքում։