«Առաջիկա շաբաթներին իրավիճակը կվատթարանա». Ուկրաինայի պաշտպանության նախարար

Ուկրաինայի պաշտպանության նախարար Ալեքսեյ Ռեզնիկովը Ռուսաստանի դեմ պատերազմի առաջիկա շաբաթներին կայունության և միասնության կոչ է արել, հայտնում է РБК-Украина-ն։

Նրա խոսքով, առաջիկա մի քանի շաբաթների ընթացքում իրավիճակը կմնա ծանր։

«Պայմանագրերի գործնական իրականացումը, վերապատրաստումը և նյութատեխնիկական ապահովումը որոշակի ժամանակ է պահանջում։ Իսկ Ռուսաստանն արդեն ուժեր է կուտակել Ուկրաինայի արևելքում լայնածավալ հարձակման համար»,- ասել է ուկրաինացի նախարարը։

Նրա խոսքով՝ Ուկրաինային ռազմատեխնիկական օգնության ծավալը միայն կաճի։

«Ռուսաստանն արդեն գիտակցում է իր ռազմավարական պարտությունը, բայց դեռ կփորձի մեզ ամենաշատը վնասել: Ցավոք, մինչ հաղթանակի հասնելը մենք դեռ կկորցնենք մեր զինվորներին»,- ասել է Ռեզնիկովը: