Երեքշաբթի, 17 մայիսի, 2022 թ.
|
Ստեփանակերտում`   +15 °C

Մեծ էկրան բարձրացավ «Պոլլի» ֆիլմը

Մեծ էկրան բարձրացավ «Պոլլի» ֆիլմը
234
Ուրբաթ, 29 ապրիլի, 2022 թ., 13:42

Ապրիլի 28-ին Երևանում կայացավ «Պոլլի» գեղարվեստական ֆիլմի պրեմիերան։

Ֆիլմի ռեժիսորն է Արտյոմ Հարությունյանը։ Գլխավոր դերակատարներն են Էդիկ Առաքելյանը, ով մարմնավորում է պատանի Նարեկին, Լուիզա Ներսիսյանը, Սոս Ջանիբեկյանը, Բաբկեն Չոբանյանը, Արամ Կարախանյանը, Ռաֆայել Երանոսյանը և այլք։

Ֆիլմի ռեժիսորն ու դերակատարները
Ֆիլմի ռեժիսորն ու դերակատարները

Մանկական արկածային, դետեկտիվ ժանրի ֆիլմում արծարծվում են ընտանեկան փոխհարաբերությունները, ի ցույց դրվում դրանց անլիարժեքության արդյունքում ծնվող խնդիրները։

Ֆիլմի գլխավոր դերակատար Էդիկ Առաքելյանը
Ֆիլմի գլխավոր դերակատար Էդիկ Առաքելյանը

Ֆիլմի առանցքային թեման որսագողությունն է։

Ռեժիսոր Արտյոմ Հարությունյանի խոսքով՝ ֆիլմի սցենարը մշակել են ինքն ու որդին, դերասանական կազմի ընտրությունը նույնպես փոխադարձ համաձայնությամբ է որոշվել։

«Քանի որ ֆիլմը տղայիս տարիքային խմբի համար է նախատեսված, ամեն ինչում հետը հաշվի եմ նստել»,- MAMUL.am-ի թղթակցի հետ զրույցում նշեց նա։

Ֆիլմի ռեժիսոր Արտյոմ Հարությունյանը
Ֆիլմի ռեժիսոր Արտյոմ Հարությունյանը

«Այսօր մեր երեխաներին պետք են ֆիլմեր, որոնցից մի բան կսովորեն և կհասկանան, որ վերջում բարին է հաղթում»,- ասաց ֆիլմի գլխավոր դերակատարներից Սոս Ջանիբեկյանը։

Ֆիլմի գլխավոր դերակատարներ Էդիկ Առաքելյանը, Լուիզա Ներսիսյանը և Սոս Ջանիբեկյանը
Ֆիլմի գլխավոր դերակատարներ Էդիկ Առաքելյանը, Լուիզա Ներսիսյանը և Սոս Ջանիբեկյանը

«Երեխաներին ճիշտ ուղղորդող ֆիլմ է»,- նկատեց դերասանուհի Լուիզա Ներսիսյանը։

Ֆիլմի կարևոր շեշտադրումներից է բնության նկատմամբ հոգածության կարևորությունը, ազնվությունն ու հավատարմությունը։