ՌԴ Պետդումայի խոսնակը՝ մոբիլիզացիայի և միջուկային հարվածի մասին

ՌԴ Պետդումայի խոսնակ Վյաչեսլավ Վոլոդինն ասել է, որ Ռուսաստանում մոբիլիզացիայի պլաններ չկան։

«Ոչ ոչ ոչ: Ես ձեզ կասեմ և՛ եթերում, և՛ եթերից դուրս», - մեջբերում է «Կոմսոմոլսկայա պրավդա» ռադիոն Վոլոդինի պատասխանը համապատասխան հարցին։

Բացի այդ, Պետդումայի խոսնակն ասել է, որ Ռուսաստանի Դաշնության կողմից միջուկային հարվածը հնարավոր է միայն՝ որպես պատասխան։ «Ինչ վերաբերում է Ռուսաստանի Դաշնությանը, գիտեք, մեր սկզբունքն է՝ հարված՝ հարված ստանալու դեպքում»,- ասել է Վոլոդինը: